തിരുവനന്തപുരം: കേരള സംസ്ഥാന ചലച്ചിത്ര അക്കാദമിയുടെ ആഭിമുഖ്യത്തില്‍ സംഘടിപ്പിക്കുന്ന അന്താരാഷ്ട്ര ഡോക്യുമെന്‍ററി, ഹ്രസ്വചലച്ചിത്രമേളയുടെ ഡെലിഗേറ്റ് രജിസ്ട്രേഷന്‍ ആരംഭിച്ചു. ജൂണ്‍ 16 മുതല്‍ 20 വരെ നടക്കുന്ന ചലച്ചിത്രമേളയുടെ രജിസ്ട്രേഷന്‍www.idsffk.in എന്ന സൈറ്റില്‍നിന്നും നടത്താവുന്നതാണ്. ഡെലിഗേറ്റുകള്‍ക്ക് 200 രൂപയും വിദ്യാര്‍ത്ഥികള്‍ക്ക് 100 രൂപയുമാണ് ഫീസ്. മാധ്യമങ്ങള്‍ക്ക് പ്രവേശനം സൗജന്യമാണ്.
തിരുവനന്തപുരം കൈരളി,ശ്രീ, നിള എന്നീ തിയറ്ററുകളില്‍ നടക്കുന്ന മേളയില്‍ വിവിധ വിഭാഗങ്ങളിലായി 210 ചിത്രങ്ങള്‍ പ്രദര്‍ശിപ്പിക്കും. 77 ചിത്രങ്ങളാണ് മത്സര വിഭാഗത്തിലുള്ളത്. ഓസ്കാര്‍ നാമനിര്‍ദേശം ലഭിച്ച റോജര്‍ വില്യംസിന്‍െറ ‘ലൈഫ്,ആനിമേറ്റഡും’, റോട്ടര്‍ഡാം മേളയില്‍ മികച്ച ഹ്രസ്വചിത്രത്തിനുള്ള പുരസ്കാരം ലഭിച്ച പ്രാന്തിക് ബന്ധുവിന്‍െറ ‘സഖിസോണ’യുമാണ് ഉദ്ഘാടന ചിത്രങ്ങള്‍.
ബഹുമാനപ്പെട്ട മുഖ്യമന്ത്രി പിണറായി വിജയന്‍ മേളയുടെ ഒൗപചാരിക ഉദ്ഘാടനം നിര്‍വഹിക്കും. ബഹു.സാംസ്കാരിക വകുപ്പ് മന്ത്രി എ.കെ ബാലന്‍ അധ്യക്ഷത വഹിക്കുന്ന ചടങ്ങില്‍ കിരണ്‍ കാര്‍ണിക് മുഖ്യാതിഥിയായിരിക്കും.
No comments:
Post a Comment